GIDALGO — Mars va Yupiter orbitalari oraligʻidagi kichik sayyora (№ 944). Uni faqat kuchli teleskoplar yordamida koʻrish mumkin. Nemis astronomi V. Baade 1920-y. da kashf etgan. Harakat orbitasi juda choʻziq ellipsdan iborat boʻlganligi sababli Quyoshdan eng uzoqlashganda Saturn orbitasigacha yaqinlashishi mumkin. Quyoshdan uzoqligi 1,9—9,7 a. 6. (astronomik birlik). Quyosh atrofini aylanib chiqish davri 13,7 yil.