GERASIMOVA Svetlana Ivanovna (1951.2.2, Toshkent) — Oʻzbekistan Respublikasi xalq oʻqituvchisi (2000). Toshkent ped. in-tini tugatgan (1974). 1974-y. dan Toshkent sh. dagi 187-, 64-, 50maktablarda rus tili va adabiyoti oʻqituvchisi, 50maktab direktori oʻrinbosari, 1987-y. dan direktori. Gerasimova gimnaziya uchun tayyorlangan alohida oʻquv metodik rejalari va boshlangʻich sinflar uchun tayyorlangan kun tartibi qoʻllanmalari muallifidir. Fizika, mat., kimyo, biol. yoʻnalishidagi maxsus rejalar ham uning bevosita rahbarligida ishlab chiqilgan. Gerasimova maktab moddiy texnika bazasini mustahkamlashda faol harakat qildi; maktabni pedagogik kadrlar bilan taʼminlash ishini yaxshi yoʻlga qoʻyish maqsdida ped. oʻquv yurtlari bilan uzviy aloqa oʻrnatgan.