GEKKEL (Haeckel) Ernst (1834.16.2, Potsdam — 1919.9.8, Yena) — nemis biologi. Yena un-tida prof. (1862 — 1909). Tropik zonalarda (Seylon oroli va b.) ilmiy ishlar olib borib, dengiz hayvonlari, ayniqsa, radiolyariyalar haqida katta asarlar yozgan (1862). Organizmlarning individual rivojlanishi (ontogenez) bilan uning ajdodlarining tarixiy rivojlanishi (filogenez) urtasidagi Darvin tomonidan aniqlangan oʻzaro bogʻlanishni biogenetik qonun tarzida taʼriflab bergan. Hayot davomida paydo bulgan belgilarning nasdan-naslga oʻtishini tan olgan.