FARISHTA — iudaizm, xristianlik, islom va b. baʼzi dinlarda xudoning amrini bajaruvchi gʻayritabiiy mavjudot. F. sonsanoqsiz boʻlib, har biri maʼlum vazifani bajaradi. Mas, islomda qar bir odamning savob va gunoh ishlarini hisobga olib yuruvchi Farishtalar, jannat va doʻzaxda darvozabonlik qiluvchi, odamlarni qabrda soʻroq qiluvchi (Munkar va Nakir), Alloh taxtini osmonda koʻtarib turuvchi va b. xizmatlarni bajaruvchi Farishtalar mavjud deb karaladi. Bu F. lardan 4 tasi: Azroil, Jabroil, Mikoil, Isrofil bosh F. hisoblanadi.