MARADONA (Maradona) Diyego Armando (1960.30.10, Buenos-Ayres yaqinidagi Lanus sh.) — argentinalik futbolchi, jahon chempioni. 20-a. ning eng yaxshi futbolchisi (Pele bilan birga) deb tan olingan. Dastlab «Argentinos Xuniors» futbol klubila oʻynagan. «Boka Xuniors» tarkibida Argentina chempioni (1981), «Napoli» jamosi tarkibida Italiyaning 2 karra chempioni (1987, 1990), Italiya kubogi (1987) va UYEFA kubogi (1989) soxibi boʻlgan. Argentina terma jamoasi tarkibida jahon chempioni (1986) va vitse-chempioni (1990).