MANIYA (yun. mania — telbalik, jahl, shod-xurramlik) , maniakal sindrom — kishi ruhiyati (psixika)ning buzilishi. Bemor kayfi chogʻ yuradi, serharakat, gʻayratli, lekin ezma boʻlib qoladi, ulugʻvorlik hissi va b. paydo boʻladi. Yuzaki fikr yuritadi, bir narsani gapirib turib, ikkinchisiga oʻtib ketadi. Koʻpincha, kayfiyati tez oʻzgaradi, xursand boʻlib turganda, birdan gʻazablanib ketadi. Maniya maniakaldepressiv psixoznutt maniakal fazasida. shizofreniya, infeksion, miya kasalliklari zaharlanish va b. da kuzatiladi. Baʼzan ulugʻvorlik, buyuklik Maniyasi ham uchraydi. Biror narsaga, mas, oʻgʻrilikka, jinsiy aloqaga ruju qilish va b. ham Maniyaga xos.