MAGNIY XLORAT [Mg (C1O3)26H2O] — sirtdan taʼsir etuvchi defoliant, desikant. Suvda eruvchan 60% li kukun. Rangi oqish kulrang yoki qoʻngʻir. Gʻoʻza, soya, dukkakli va b. ekinlarning hosilini yigʻishdan avval bargini toʻkishda (q. Defoliatsiya) va tupini quritishda (q. Desikatsiya) koʻllaniladi. Koʻpgina gʻoʻza tuplarida 1—4 koʻsak ochilgandan soʻng defoliatsiya oʻtkaziladi. Preparat ning sarf normasi: 8—20 kg/ ga, ish suyukligi traktor purkagichlari qoʻllanilganda 200 l/ga. Desikatsiyada preparatning sarf meʼyori: 25—35 kg/ ga; ish suyukligi defoliatsiyada olingan sarf meʼyoriga teng. Magniy xlorat Fargʻona «Azot» i. ch. birlashmasida 1965-y. dan ishlab chiqariladi. Zahari kam. Sichqonlar uchun OʻD50 5300 mg/kg.