Айыы үөрэҕэ этэринэн аат диэн киһи күлүгэ. Бу күлүккэ киһи кутун сороҕо баар. Ол иһин аат суолталаах. Киһи аатынан дьоҥҥо биллэр. Киһи аатын харыстыахтаах, ол аата үтүөнү оҥоруу, түһэн биэримии, быстах санааҕа охтумуу.
Билиҥҥи сахалыы ааттар уус-уран айымньылар геройдарын ааттарыттан, сирдэр ааттарыттан, үүнээйилэр ааттарыттан уо.д.а. таһаарыллаллар. Холобур, номохтор геройдарын ааттара — Эллэй, Манчаары, Туйаарыма (Туйаара), Ньургун, Күннэй — киэҥник тарҕаммыттар.
Бу кинигэҕэ сахалыы ааттар суолталара суруллар, ол таһынан ыйдарынан-күннэринэн ким диэн ааттыахха сөбө. Саҥа оҕоломмут дьиэ кэргэҥҥэ аат таларга улахан көмө буолуо диэн бигэ эрэнэбит.

"Айгыс" оҕо түмсүүтэ
http://vk.com/club107267479