ХЕНЧ (Hench) Филип Шоуолтер (1896.28.2, Питсбург 1965.30.3, ОчоРиос, Ямайка) — америкалик ревматолог. Питсбург университети тиббиёт мактабини тугатган (1920). Мейо клиникаси ходими (1921), тиббиёт бўлими консультанти ва ревматик касалликлар секцияси раҳбари (1926 й. дан). 1928 й. дан Миннесот (Рочестер) университетида, проф. (1947 й. дан). Ревматик касалликлар клиникасида эндокрин омилларни тадқиқ этган ва уларни даволашда буйрак усти бези пўстлоғи гормонини биринчи бўлиб қўллаган. Нобель мукофоти лауреати (1950; Э. Кендалл ва Т. Рейхштейн билан ҳамкорликда).