КВЕБЕК — Канаданинг жан.-шарқий қисмидаги шаҳар. Квебек провинциясининг маъмурий маркази. Сан-Лаврентий дарёсининг қуйилиш ерида. Ахолиси 169,6 минг киши (1996); кўпчилиги канадалик французлар. К. муҳим т. й. тугуни. Йирик денгиз порти (йиллик кж ортиб-тушириш 1,5 млн. т). Квебек орқали четга ёғоч-тахта, қоғоз, ғалла, сут маҳсулотлари, асбест чиқарилади. Ёғоч тилиш, целлюлоза-қоғоз, кемасозлик, кўн пойабзал, тўқимачилик, озиқ-овқат саноати корхоналари мавжуд. Туристлар кўп келади. Лаваль ун-ти, ин-тлар, Квебек провинцияси музейи, ун-т музейи бор. Меъморий ёдгорликлардан 17—19а. ларга оид бинолар, Сан-Лаврентий дарёсига қурилган кўприк ва б. сақланган. Шаҳарга 1608 й. да асос солинган.