КУМУШКОН ПОЛИМЕТАЛЛ КОНИ — Тошкент вилоятининг Паркент туманида, Чатқол тоғларининг жан.ғарбий қисмида, Паркентсойнинг чап соҳилида. Қизилнура кварцли порфирлар контакт зоваларига тўғри келади.
Қад. да (1 —18-а. лар) Кумушкон полиметалл конидан фақат кумуш қазиб олинган, шунинг учун «Кумушкон» деб аталган. Кон яқинида 1940-й. ларда кончилар қишлоғи вужудга келган. Кейинроқ Кумушкон полиметалл конида қўрғошин, pyx, кадмий ва б. элементлар борлиги аниқланди. Кумушкон полиметалл конининг геологик тузилишида девон ва тошкўмир даври охактош қатламлари ва юқори тошкўмир даври магматик тоғ жинслари иштирок этган. Кон ҳудудидаги оҳактош қатламлари Заркент антиклиналининг бир қисмини ташқил қилади. Триас даврининг 2-ярмида Кумушкон полиметалл кони майдонида шим.-ғарбий ва шим.-шарқий йўналишда тектоник синиклар вужудга келган. Бу синиклар бўйлаб магма юқорига кўтарилиб, кварцпорфирли дайкалар ҳосил қилган. Кон рудалари тошкўмир даври оҳактошлари контактида ва шу контакт зонасида жойлашган. Олимларнинг фикрича, ер қаъридан кўтарилган руда ҳосил қилувчи гидротермал эритмалар кварцпорфирли дайкалар билан оҳактошлар контакта зонасидаги синиклар бўйлаб ҳаракат қилган ва ат-рофдаги тоғ жинслари, айниқса, оҳактошлар билан реакцияга киришиб, ўз таркибида қўрғошин, pyx, кумуш ва б. элементларни турли минераллар ҳолида қолдириб кетган. Рудалар линзасимон, қувурсимон ва уясимон жинслар кўринишига эга. Уларнинг қалинлиги 3—8 м, чуқ. 50 м дан 150 м гача, тарқалиш кенглиги 10 м дан 80 м гача чўзилган. Конда фойдали минераллардан галенит, сфалерит, пирит кўп; халькопирит, тетраэдрит, бурнотит, аргентит, туғма кумуш, флюорит минераллари эса иккинчи даражали. Аниқ разведка қилинган руда заҳиралари тугагани учун Кумушкон полиметалл конида қон қазиш ишлари 1959 й. тўхтатиб кўйидди, ҳрзирда фойдаланилмайди. Кумушкон полиметалл кони атрофидан руда эрити-ладиган ўчоқ қолдиқлари, шлак уюмлари, сопол идишлар ва кон қазувчиларнинг ибтидоий қуроллари топилган.