КСАНТОПРОТЕИН РЕАКЦИЯСИ — оқсилни очишнинг сифат реакцияси; оқсилли эритмаларга концентрланган нитрат кислота қўшиб қайватилса сариқ ранг пайдо бўлади. Концентрланган ишқор эритмаси қўшилганда эса сариқ ранг зарғалдоқ рангга айланади. Реакция ароматик аминокислоталар (фенилаланин, тирозин ва триптофан) борлигини кўрсатади ва уларнинг нитроҳосилалари вужудга келишига алоқадор.