КРИК (Crick) Фрэнсис Харри Комптон (1916.8.6, Хортхемптон) — инглиз физиги, молекуляр биол. асосчиларидан бири. Лондон Қироллик жамияти аъзоси (1959 й. дан). Кембриж ун-ти проф. (1939 й. дан). Асосий илмий ишлари нуклеин кислоталарнинг тузилишини ўрганишга оид. 1953 й. да Ж. Уотсон билан ҳамкорликда қўш спирал шаклидаги ДНК моделини тақлиф этган (Уотсон-Крик модели). Шу модель асосида ҳужайраларнинг бўлинишида ДНК молекулаларидан нусха олиш механизмини тушунтириб берган (қ. Репликация). Генетик код тамойилларини биринчи бўлиб аниқлаган. Нуклеин кислоталарнинг молекуляр тузилиши ва ирсий ахборотни ўтказишдаги аҳамиятини кашф этган. Нобель мукофоти лауреати (1962, Ж. Уотсон ва М. Уилкинс билан ҳамкорликда).