КОРНЕЙЧУК Александр Евдокимович [1905.12 (25). 5, Христиновка станцияси (ҳоз. Черкасси вилояти) — 1972.14.5, Киев] — украин драматурги ва давлат арбоби. Украина ФА (1939), СССР ФА (1943) акад. «Эскадранинг ҳалоқати» (1933), «Ҳақиқат» (1937), «Платон Кречет» (1934), «Богдан Хмельницкий» (1939) пьесалари украин драматургиясида муҳим урин тутади. «Украина чулларида» (1941), «Фронт» (1942), «Макар Дубрава» (1948), «Бодрезакзор» (1950), «Менинг дўстларим» (1970) ва б. пьесаларида 2-жаҳон уруши ва ундан кейинги йиллардаги халқлар ҳаёти ва мехнати тасвирланган. «Платон Кречет», «Эскадра ҳалоқати», «Фронт» ва б. асарлари ўзбек тилига таржима қилинган, баъзилари ўзбек театрларида саҳналаштирилган.