КООПЕРАЦИЯ (лот. cooperatio — ҳамкорлик, биргаликда ишлаш) — 1) жисмоний шахсларнинг биргаликда тадбиркорлик фаолиятини олиб бориш учун ихтиёрийлик асосида бирлашуви;
2) икки ёки бир неча мамлакатларнинг хорижий шериклар иштирокида қўшма ёки ўзаро мувофиклаштирилган и. ч. ни ташқил этишининг универсал шакли. Бундай Кооперация маҳсулот и. ч. ни тақсимлашга, коммерция ҳамкорлиги, хатарларни ўзаро кафолатлаш, инвестицияларни ва саноат сирларини умумий ҳимоя қилишга асосланади. Ўзбекистонда ишга туширилган «СамКочавто», «Кабул-Ўзбек», «Ўздунробита», «ЎзКейсмаш» ва б. корхоналар Кооперация асосида фаолият юритади (қ. Меҳнат кооперацияси, Матлубот кооперацияси, Уй-жой кооперацияси, Қишлоқ хўжалиги кооперацияси ва б.).