КОНЪЮНКТИВА (лот. conjunctivus — бириктирувчи) — кўз шиллиқ пардаси. Юқори ва пастки қовоқларнинг ички (кўз соққасига қараган) сатҳини ва кўзнинг оқсил (оқ) пардасини бекитиб туради. Қовоқлар уст томондан юпқа тери б-н, кўзнинг ички юзасига қараган сатҳи эса шиллиқ парда — К. билан қопланган. Конъюнктивалар ичкарида кўз соққасига ёпишади. Юқори қовоқнинг шиллиқ қаватида 30—40, пастки қовоқнинг ички юзасида 20—30 та майда кўз ёши безчалари жойлашган. Улар ажратган суюқлик К. ни, шиллиқ парда сатҳини ва кўз мугуз пардасини тўхтовсиз намлаб, қуриб қолишдан сакдаб туради (яна қ. Кўз).