КОНТАКТ МЕТАМОРФИЗМИ — тоғ жинсларининг унга сингиб ўрнашган интрузив магматик жисмлар таъсирида ўзгариши. Меъёрий (контактли) ва контакт-метасоматик метаморфизми фарқ қилинади. Биринчи ҳолатда тоғ жинсларининг таркиби деярли ўзгармайди, иккинчисида эса жинслар таркиби буткул ўзгаради. Контакт метаморфизмига чўкинди жинслар ҳам, магматик жинслар ҳам учраши мумкин. Контакт метаморфизмининг характерли минераллари: андалузит, кордиерит, брусит, тремолит-актинолит, диопсид, гроссуляр, шпинель, волластонит, роговая обманка (шох алдамчиси), пироксин, гранат ва б. Баъзида гипабиссал интрўзияларга боғлиқ равишда монтичеллит, ларнит, сперрит каби ноёб минераллар ҳам вужудга келади. Ўзбекистонда скарнлар билан ёки улар яқинида Қўйтош, Қизилқумда Контакт метаморфизми зоналари мавжуд.