КОКСАЛ БЕЗЛАР (glandulae coxales) — баъзи ўргимчаксимонларнинг бошкўкрак қисмида жойлашган жуфт айириш органи. Коксал безларнинг чиқариш найи, одатда, биринчи жинсий оёқлар — кокслар (coҳaсон), яъни 3-ёки 5-юриш оёқлари асосига очилади. Коксал безлар нефростома, эгри-бугри найлар ёки лабиринт ва чиқариш найидан иборат. Баъзи ўргимчаксимонлар (сальпугалар)да нефростом билан лабиринт оралиғида баланд эпителийли узун учи берк безли қопча мавжуд. Йирик ўргимчаксимонларнинг Коксал безлари редукцияга учраган, пичанўрарларда эса сақланиб қолган. Ўргимчаксимсонларнинг асосий айириш органи — мальпиги найчалари эволюция жараёнида кейинроқ пайдо бўлган.