КОГАН Леонид Борисович (1924.14.11, ҳоз. Днепропетровск — 1982, Москва) — замонавий скрипка ижрочилик мактабининг йирик намояндаси. Москва консерваториясини тугатган (1948). Москва филармониясида яккахон созанда (1944 й. дан), Москва консерваториясининг ўқитувчиси (1952 й. дан), проф. (1963 й. дан), кафедра мудири (1969 й. дан). Романтик йўналишдаги, кўпқиррали ва ранг-баранг ижро услуби ўзининг кўтаринки руҳи, теран фалсафий мазмундорлиги, бадиий фикрлаш қамрови кенглиги, улуғворлиги ва, айни пайтда, нозиклиги, куйчанлиги билан ажралиб туради. Репертуаридан мумтоз ва 20-а. композиторлари асарлари ўрин олган. 1951 й. дан бошлаб жаҳон бўйлаб гастролда бўлган.