КОБАН МАДАНИЯТИ — жез даврининг охири — илк темир даврининг бошларидаги археологик маданият (мил. ав. 2-минг йилликнинг охири — 1-минг йилликнинг ўрталари). Дастлаб (1869) топилган жой — Шим. Осетия (РФ)даги Кобан қишлоғининг номидан олинган. Шим. Кавказнинг марказий қисмета тарқалган. Қишлоқ ва қабристон қолдиқлари топилган. Кобан маданияти манзилгоҳларидан жангда ишлатиладиган болта, мис идиш ва турли безак буюмлари — тўғноғич, камар, тугма, билагўзук ва б. топилган. Кобан маданияти аҳолиси чорвачилик, деққончилик, темирчилик билан шуғулланишган.