КНУНЯНЦ Иван Людвигович (1906.22.5 (4.6) — Тоғли Қорабоғ — 1994) — органик кимёгар. Акад. (1953). Генерал-майор — муҳандис. Пиридин ядросига турли радикалларни киритишнинг янги усулларини кашф этган. Этилен оксидини ацетосирка кислота б-н реакцияга киритиб, уацетопропил спиртини олган. Ҳозир бу усул В, витаминини олишда қўлланилади. Капролактамнинг тўғри чизикли полимерлаш реакциясини илк бор ўрганган. Саратон касаллигининг айрим турлари учун самарали кимёвий терапевтик воситалар олган. Улардан «лофенал» амалиётга жорий этилган. Фторорганик бирикмалар устида мунтазам изланишлар олиб бориб, бу соҳада илмий мактабга асос солган. Д. И. Менделеев номли кимёгарлар жамияти жур. нинг бош мухаррири, кимё энциклопедиясининг ташаббускори ва бош муҳаррири.