КЛИВАЖ (франц. clivage — парчаланиш, қатламларга ажралиш) — тоғ жинсларининг дарзлар буйича юпқа пластинка ва призмаларга ажралиши. Уларнинг йуналишлари, кўпинча тоғ жинсларининг бирламчи қат-қатлигига мос келмайди. Кливаж авж олган жойларда асл қат-қатлик бутунлай кўринмай қолади. Кливаж, асосан, интенсив бурмаланиш р-нларида тектоник кучлар таъсирида содир бўлади. Юзага келиш усулларига кўра, узилиш Кливаж, сирпаниш Кливаж, ёриқ К. ва б. фарқ қилинади.