КЛАН (гэльча clann — наел, уруғ, авлод) — 1) кельт халқларида уруғ, баъзан қабила номи. Кейинчалик, уруғчилик муносабатлари емирилиши даврида — тахмин этилган уруғ бошлиғи исми билан аталган қад. уруғ авлодлари бўлган қонқариндошларнинг йирик гуруҳлари. Бунда шотландлар ва ирландларда умумий исмга «ўғил», «ўғли» маъносини англатувчи «Мак» қўшимчаси қўшила бошланган (мас., Мак Картли, Макдональд); ирландларда буни бошқа бир шакли ҳам бўлиб, исм олдига «О» («набира») қўшимчаси қўшилган (мас, О’Коннор). Клан уруғчилик тузумига хос бўлган ернинг умумий мулклиги ва б. удумлар (хун олиш, умумий кафилликка олиш ва б.) ни сақлаб қолган. Шотландия ва Уэльс нинг айрим р-нларида Клан 19-а. гача сақланган. Ҳоз. (асосан, чет эл) адабиётларда Клан — «уруғ» истилоҳига мос келади.