КИВСЯКЛАР — икки жуфтоёқлилар кенжа синфига мансуб кўпоёқлилар; Julida, Spirobolida, Spirostri ptida туркумларининг умумий номи. Уз. 1—30 см, тана шакли цилиндрсимон. Анаморфоз (қ. Метаморфоз), айрим турлари периодоморфоз орқали ривожланади. Бундай ривожланишда эркаги туллаб личинкага айланади; личинка туллаб яна вояга етган даврга ўтади ёки личинка даврида қолади. Айрим Кивсякларнинг безлари суюқлиги заҳарли. 30 мингдан ортиқ тури, асосан, тропик, субтропик ва дашт минтақаларида тарқалган. Ўрмонларда кулранг кивсяк (Rossiulus kessleri), қум кивсяки (Shizophyllum sabulosum), қрим кивсяки (Pachyiulus fl avipes) кенг тарқалган. Кивсяклар ўсимлик қолдиклари билан озиқланиб, тупроқ ҳосил бўлишида катта аҳамиятга эга. Айрим турлари ўсимликларга зиён келтиради (қ. Иккижуфтоёқлилар).