КИТСИМОН ДЕЛЬФИНЛАР (Lissodelphis) — дельфинлар оиласининг битта уруги. Ўз. 2,5 м гача. Бошидаги ёғ ёстиқчаси паст, тумшуғи ингичка. Орқа сўзгичи бўлмайди, дум қисми ингичкалашган. 2 тури: шим. Китсимон дельфинлар (L. borealis) — Тинч океаннинг шим. қисмида, жумладан, Ўзоқ Шарқ денгизларида, жан. Китсимон дельфинлар (L. peroni) — Жан. ярим шарнинг мўътадил иқлимидан Антарктикагача бўлган океан ва денгизларда тарқалган.