КИЧИК ОСИЁ ТОҒЛИГИ — Туркиядаги тоғлик, Кичик Осиё я. о. нинг катта қисмини эғаллайди. Кичик Осиё Тоғлигининг марказий қисми Анадолу ясситоғлигидан, шим. да Понтия ва жан. да Тавр тоғларидан иборат. Шаркда Кичик Осиё Тоғлиги секин-аста Шарқий Тавр тоғларига ўтиб боради. Ўз. 1200 км чамасида. Кенглиги 600 км гача, кўп қисмининг бал. 800—1500 м, Ички р-нларига чала чўл ландшафти хос. Тоғларнинг ташқи ён бағирлари ўрмон ва Ўрта денгиз бўйи буталари билан қопланган.