КЕРГЕЛЕН — Ҳинд океани жан. даги вулканиқ ороллар архипелаги, Антарктикада. Франция мулки. Битта йирик Кергелен ва 300 га яқин майда ороллардан иборат. Майд. 7 минг км2. Бал. 1965 м гача. Иқлими субантарктика совуқ иқлим, йиллик ёғин 1000 мм. Кучли шамол эсиб туради. Сийрак ўт ўсимликлари ўсади. Кергелен о. нинг марказий қисми музлик билан қопланган (майд. 500 км2).
Доимий аҳолиси йўқ. Франциянинг Порт-о-Франсе геофизика ст-яси 1950 й. дан ишлаб турибди. Орол 1772 й. да уни кашф этган француз денгизчи-сайёҳи И. Кергелен де Тремарек номи билан аталган.