КЕРАМЗИТ-БЕТОН — енгил бетон тури; тўлдиргич сифатида керамзит, қовуштиргич сифатида цемент, гипс, синтетик смолалардан фойдаланилади. К-б. нинг иссиқликдан изоляцияловчи, конструктив-изоляцияловчи ва конструктив хиллари бор. Уларнинг ҳажмий массалари 350 — 1800 кг/м3, қисилишга мустаҳкамлиги 0,5 — 50 МПа. К-б. дан бино ва иншоотларнинг кўтарувчи ва тўсувчи қурилмалари (конструкциялари) тайёрланади, шунингдек, кемасозликда ҳам ишлатилади.