КЕЛЕРМЕС ҚЎРҒОНЛАРИ — қад. мозорқўрғонлар (мил. ав. 6-а.). Адигея Республикаси (РФ) нинг Гиагин р-нидаги Келермес станицаси яқинида жойлашган. НМ. Веселовскип томонидан қисман ўрганилган (1903—04). Қўрғонлар тагидан устунларга ўрнатилган ёғоч чайла шаклида усти ёпилган катта қабрлар топилган. Қурбонлик қилинган отларнинг скелети (ҳар бир қабрда 24 тагача), уларнинг ҳашаматли жабдуқлари, дафн аравасининг безаклари, қурол-яроғ, тиллақошлар ва қадаҳлар, кумуш ритон ва кўзгулар чиққан. Келермес қўрғонлари маҳаллий меот қабилалари ёхуд Олд Осиёга қилинган юришдан сўнг шу ерда қолган скифларнинг қабила зодагонларига мансуб бўлган.