КАСТРО РУС (Castro Rus) Фидель (1926.13.8, Орьенте вилоятининг Биран шаҳарчаси) — Кубанинг давлат, сиёсат ва ҳарбий арбоби. Гавана ун-тининг юридик ф-тини тугатган (1949). Ҳуқуқ д-ри. 1950-й. лар бошида Куба халқи партияси («Ортодокслар»)га кирган. 1953 й. дан Куба халқининг Ф. Батиста диктатурасига карши курашига бошчилик қилган. 1953-55 й. ларда қамокда бўлган. 1955 й. Мексикага кетган. 1956 й. 2 дек. да бир) гуруҳ инқилобчилар билан Кубага кайтди ва Батиста тузумига қарши партизанлар курашини авж олдирди. 1959 й. 1 янв. да Батиста диктатураси қулади. 1959 й. фев. дан К. Р. Куба инқилобий ҳукумати Бош вазири, айни вақтда 1962 й. дан Бирлашган инқилобий ташкилотлар миллий раҳбарлиги ҳамда Бирлашган социалистик инқилоб партияси (1965 й. дан Куба КП) биринчи котиби. 1965 й. дан Куба КП МК биринчи котиби. 1976 й. дан Куба Республикаси Давлат кенгаши, Вазирлар Кенгаши Раиси ва Инқилобий қуролли кучлар бош қўмондони.