КАССЕТА (франц. cassete — қутича) — деталлар, материаллар, фото ва киноплёнкалар ва б. энг қулай (оптимал) шароитларда сақланадиган, ишланадиган, суриладиган, ўзаро алмаштириладиган кичик, ихчам қурилма. Фотографик Кассета энг кўп тарқалган бўлиб, ёруғлик сезгир материаллар (фото ва киноплёнкалар, фотопластинкалар) сақланади. Магнитофон К. си — магнит ленталар жойлаштирилиб қўйиладиган ёпиқ қутича. Видеомагнитофон К. си — магнитофон Кассета сига ўхшаш каттароқ қутича.