КАРОМАТЛИ (Кароматов) Файзулла Музаффарович (1925.14.12, Бухоро) — мусиқашунос, фольклоршунос олим. Ўзбекистонда хизмат кўрсатган фан арбоби (1981). Санъатшунослик фанлари д-ри (1972), проф. (1973). Тошкент пед. инти (1944), Тошкент консерваторияси (1950)ни тугатган. Бухоро театрида (1941—43), Ўзбек давлат филармонияси симфоник оркестрида (1943—48) скрипкачи. Санъатшунослик и, т. институтида илмий ходим (1949—50, 1954—55), мусиқа бўлими мудири (1955—93), директор (1957 — 64), бош илмий ходим (1994 й. дан). Айни вақтда, Тошкент консерваторияси доценти (1955—60), проф. (1980 — 91), Шарқ мусиқаси кафедраси асосчиси ва мудири (1972—80, 1991— 97). Кўпгина ўзбек куй ва қўшиқларини тўплаб, нашр эттирган. Ўзбек мусиқа мероси, Ўрта Осиё халклари мусиқа фольклори масалаларига оид асарлар муаллифи. К. Тошкент (1975), Самарқанд (1978, 1983, 1987, 1997), Бухоро (1990, 2001) да ўтказилган халқаро илмий анжуманларнингташкилотчиларидан, шунингдек, Европа ва Осиё мамлакатларида кўпгина мусиқа анжуманлари қатнашчиси. Кароматли ЮНЕСКО қошидаги мусиқа кенгашлари (ICM, IOV, CIOFF) аъзоси. «Эл-юрт ҳурмати» ордени билан мукофотланган (1999).
Ас: Узбекская домбровая музыка, Т., 1962; Узбекская инструментальная музыка, Т., 1972; Ўзбек халқ мусиқа мероси, 1—2 ж., Т., 1978—85; Музыкальное искусство Памира (Н. Нуржонов билан ҳамкорликда), М., (1—2-китоб), 1978-86.
Ад.: Абдулл ае в Р., Файзулла М. Кароматли, Т., 1996.