КАРИМОВ Жамол Худойбердиевич (1909.22.2 — Фарғона — 1993.23.9,) — математик олим. Ўзбекистонда хизмат кўрсатган фан арбоби (1967); проф. (1962). 1935 й. да Ўзбекистон ун-тини тугатган. Фаргона педагогика ин-ти математика кафедраси мудири (1940 — 43), ТошДУ мат. кафедраси доценти, Ўзбекистон ФА математика, ва механика ин-тида бўлим бошлиғи (1943—50), Фарғона педагогика инти физика-математика ф-ти декани (1950 й. дан), математик анализ кафедраси мудири (1962 й. дан). Илмий ишлари чизикли бўлмаган дифференциал тенгламалар назариясига оид. Фаргона педагогика инти математика ф-тига Каримов номи берилган (1994).