КАРИМОВ Турғун Аъзам ўғли (1916 — Тошкент — 1969.9.11) — хонанда, Ўзбекистон халқ ҳофизи (1950). Ашула санъати йўлларини Ю. Ражабий ва А. Ҳайдароваян ўрганган. Ўзбекистон радиоқўмитаси (1935 — 42 ва 1947—53), Ўзбек давлат филармонияси (1942—47) ҳамда Ўзбек давлат эстрадаси (1953 — 59)да хонанда. Катта Фарғона канали, Фарҳод ГЭС, Каттақўрғон сув омбори қурилишларида қатнашган. Репертуаридан ўзбек мумтоз ва халқ ашулалари — «Ушшоқ», «Бухоро Ироғи», «Оҳ ким, раҳм айламас», «Оромижон», «Ул париваш» ҳамда замонавий бастакорлар асарлари урин олган: «Раъноланмасун», «Қадаҳ» (Ю. Ражабий), «Бормикин» (Ж. Султонов), «Сўлим» (И. Икромов), «Қорабайир» (Ф. Содиқов), «Истадим» (F. Тошматов) ва б. Шунингдек, А. Хай-даров, О. Имомхўжаевлар билан ҳамнафасликда «Фарғонача шаҳноз», «Ҳануз», «Фарғонача жонон», «Чаман ялла», «Ўлмасун» (Ж. Султонов) каби ашулаларни маҳорат билан ижро этган.