КАЛОНТАРОВ Эммануэль Маркелович (1932.3.6, Самарқанд – 1984.5.8, Тошкент) — кино рассоми, Ўзбекистон халқ рассоми (1979). Республика рассомлик билим юрти (1953), Кинематография инти (1959)ни тугатган. 1959 й. дан «Ўзбекфильм» киностудиясида рассом. Ш. Аббосовниж «Сен етим эмассан» (1962), «Тошкент — нон шаҳри» (1968), «Абу Райҳон Беруний» (1974), А. Ҳамроевнинг «Қўрқувсиз» (1974), «Инсон қушлар ортидан боради» (1976), Л. Файзиев ва О. Мейернинг «Али бобо ва қирқ қароқчи» (1978) фильмларига қоғоз ва картонга кўмир, акварель, гуашь билан ишлаган эскизлари фильм гоясини очиб беришга хизмат қилгани билан диққатга сазовор. «Абу Али Ибн Сино» (1979), «Уйғониш» ва «Келинлар қўзғолони» (1984) фильмларига ишлаган декорация эскизлари рассомнинг маҳоратини ифодалади.