КАЛИЙ ПЕРМАНГАНАТ (Kalium permanganicum) , марганцовка, КМпО4 — антисептик модда. Тўқ бинафша рангли ялтироқ кристалл. Сувда яхши эрийди. Эритма қизғиш-бинафша рангли. Калий перманганат тўқималарга тушганида ўзидан кислород ажратиб, буриштирувчи, қитиқловчи ва куйдирувчи таъсир этади, айни вақтда ажралиб чиқаётган кислород ҳисобига микробларга қарши таъсир кўрсатади. Органик ва анорганик кимёда оксидловчи, тиббиётда сувдаги эритмаси яраларни ювиш, оғиз ва томоқни чайиш, гинекология ҳамда урология амалиётида антисептик восита сифатида ишлатилади.