КАГАРОВ Фаррух Абдуллаевич (1937.23.11 — Тошкент — 2001.21.1) — график рассом, плакатчи; Ўзбекистон халқ рассоми (1989). Тошкент педагогика ин-тининг бадиий графика ф-тини тугатган (1959). Асосан, сиёсий плакат, китоб безаги ва ҳажвий жанрларда ижод қилди. Ижодида тинчлик мавзуи етакчи ўрин тутади; ҳажвий асарлари «Муштум» жур. да босилган.
80-й. лар охиридан манзарали рангтасвир б-н шуғулланди. «Муштум» жур. таҳрир ҳайъати аъзоси (1986 й. дан). Ўзбекистон рассомлар уюшмаси Плакатчилар секцияси раиси (1965—77 ва 1982—86). Ҳамза номидаги Ўзбекистон Давлат мукофоти лауреати (1981).