ҒУНЧА — ўсимликларнинг гул кур-таги, ёзилганда гулга айланади. Ғунча ўсимликларнинг оддий барг курта-гидан йириклиги ва учининг тўмтоқлиги билан фарқ қилади. Ғунчада гулнинг барча қисмлари шаклланган. Барг қўлтиғидан ҳосил бўлган Ғунча (гул бўртмаси) ўсиб ривожланиб, то ёзилгунча ўтган давр ғунчалаш даври деб аталади. Бу давр ўсимлик турига хос асосий белги ҳисобланади. Халқ орасида ишлатиб келинаётган (айрим ўсимликларга нисбатан) шона сўзи ҳам аслида ғунча мазмунини беради, шунинг учун ғунчалаш даври шоналаш даври деб ҳам юритилади.