ҒУЛОМОВ Қодир Ғафурович 0945.15.2, Тошкент) — физик олим, Ўзбекистон ФА акад. (1995), физика-мат. фанлари д-ри (1980). Москва ун-тини тугатган (1968). Айни пайтда Дубнадаги Бирлашган ядро тадқиқотлари ин-тда ишлаган (1967-68). Ўзбекистон ФА Ядро физикаси ин-тида кичик илмий ходим (1969-70), Физика-техника ин-тида кичик илмий ходим, катта илмий ходим, лаб. мудири (1971—88). «Физика—Қуёш» илмий и. ч. бирлашмаси Бош директор муовини (1988—89), Бош директори (1989—99), Ўзбекистон ФА Бош илмий котиби (1991—99), Ўзбекистон Республикаси мудофаа вазири (2000—2005).
Илмий ишлари юқори энергиялар физикаси, ядро физикаси, элемен-тар зарралар физикаси, материалшунослик соҳаларига оид.
Унинг раҳбарлигида турли типдаги қуёш коллекторлари, фотобатареялар, янги абразив ускуналар, изоляторлар ва керамик буюмлар яратилди ҳамда уларни и. ч. йўлга қўйилди. Беруний номидаги Ўзбекистон Давлат мукофоти лауреати (1983).
Ас: Когерентная генерация частиц во взаимодействиях пионов большой энергии с атомнмми ядрами (обзор) // Взаимодействие частиц вмсоких энергий с нуклонами и ядра-ми, Т., 1972 (в соавторствс); Инклюзивное рождение дейтронов в «’Ор-соударениях при 3,25 ГэВ/с ,// Ядерная физика, Т, 2005 (в сооавторстве).
Ад.: Қодир Ғафурович Ғуломов, Т.. 2005.