ДРОБОВ Василий Петрович (1885.30.7 — 1956.27.8, Тошкент) — ботаник олим, Ўзбекистонда хизмат кўрсатган фан арбоби (1945), биол. фанлари номзоди (1938), проф. (1920), 1918 й. да Ўрта Осиё ун-тини ташкил этишда қатнашган. Ун-т (1920—30) ва Тошкент қ. х. ин-ти ботаника кафедрасининг мудири (1930—56). Ўрта Осиё бўйлаб ўтказилган кўп экспедицияларда қат-нашган. Ўрта Осиё, айниқса, Ўзбекистон қумлоклари, қум ва тўқай ўсимликларининг генезисини ва динамикасини аниқлаган. 82 янги ўсимлик турини топган. «Ўзбекистан флораси»ни тузишда иштирок этган.