ДЎШАКАЕВ Шомурод (1871-1952) – ўймакор уста, Қўнғирот ва Шуманай ёғоч ўймакорлиги мактабининг йирик вакили. Уста Дўшака оиласида туғилган. Ўймакорликни отасидан ўрганган. Дўшакаев яратган буюмлари нақшларга бойлиги, гўзал ва соддалиги билан ажралиб туради. У «қўчқор мугуз», «айланма мугуз» ва б. турли-туман шаклдаги нақшлар билан безаган панжара (эрганак), сандик (аржа), араванинг олд тахтаси, устун ва б. буюмлар машхур. Дўшакаев яратган буюмлардан намуналар республика ва чет мамлакатлар музейларида сақланади.