ДИХОГАМИЯ (юн. dicha — икки кием, бўлакча ва gamos — қўшилиш) — ўсимлик гулидаги чангчи ва уруғчи органларининг турли муддатда етилиши. Дихогамия ўсимликларнинг ўз-ўзидан чанглани-шига йўл қўймайди. Чангчиларнинг уруғчидан олдин етилиши протандрия, уруғчининг чангчидан олдин етилиши протогиния деб аталади. Дихогамия кўпчилик ўсимликларга хос. Чангчи ва уруғчиларнинг бир вақтда етилиши гомогамия деб аталади.