ДЕВОНА БУВА МАҚБАРАСИ — Намангандаги меъморий ёдгорлик (18-а.). Мақбара мурабба тархли (18,8×18,8 м), шаҳар ташқарисида жойлашган. Атрофи синчли девор билан уралган. Зиёратхонаҳазира, гўрхона ва айвондан иборат. Шим. ва Ғарб томондан синчли девор билан уралган айвон жан. га қараган. Ҳазирага айвон орқали кирилади. Кираверишда икки томонга супа ишланган.
Зиёратхона (10,6×8,6 м) пештоқгумбазли, тўрт томонида эшик ўрни бўлиб, кираверишдаги ёғоч панжарадан хона ичидаги сағана кўриниб туради. Сағана пишиқ ғиштдан қурилган. Зиёратхонанинг гумбази юлдузсимон асосгаўрнатилган. Пойгумбазидаги туйнуклар орқали хонага ёруғлик тушади. Хона ичи ганч сувоқ қилинган. Пештоқи намоёнларга ажратилган, қаноси ганчкори нақшлар билан безатилган. Эшиги ёғоч ўймакорлигида ишланган.