ДАВРАПОЯ — 1) давралар қаторидан тузилган безак, шакл;
2) давра равоқнинг шокиладор бўлакларидан ташкил топган тури. Кириш тоқи (арки)нинг умумий номи. Даврапоя пештоқига жимжимадор безаклар ишланади. Баъзан кунгурали, гулчамбар нусха нақш битилган тоқилар, ён қирралари ва чеккасига безак ишланган гумбазсимон ёки ярим айлана шаклидаги эшик ва ойналар ўрни ҳам Даврапоя дейилади.
Тиллакори мадрасаси пештоқидаги даврапоя безаги.