ДАВРАКАШЛИК — тўқув корхоналарида пишитилган ипакни даврага ўраб тандалаш. Давракашлик билан шуғулланувчи уста давракаш деб аталади. Қадимда давралаш давра, қумхона, панжа воситасида олиб борилган. Сунъий ипак ва табиий ипакни давралаш бир-биридан сал фарқ қилади. Mac, вискозани давралашда унинг иплари ёзилиб кетади. Шунинг учун у чорига эмас, ғалтакка ўралади ва ипларнинг учлари бирлаштирилиб, сўнг даврага ўралади. Ҳозир атлас тўқиш корхоналарида ипак давралаш иши асосан машиналарда олиб борилади.