ДАРХАН — Монголия шим. даги шаҳар. Аймоқ ҳуқуқига тенглаштирилган алоҳида маъмурий бирлик. Харагўл ва Ширингўл дарёлари оралиғида. Ахолиси 72,6 минг киши (1999). Катталиги ва иқтисодий аҳамияти жиҳатдан УланБатордан кейин 2-ўринда туради. ТрансМонголия т. й. магистралининг муҳим пункти. Дархан 1960 й. гача кичик бир қишлоқ. эди. 60-й. ларда хорижий давлатлар ёрдами билан Дарханда Шарингўл кўмир конларини ўз ичига олган са-ноат-энергетика комплекси барпо этилди. Цемент ва темирбетон панеллари з-длари, пўстин-мўйна ф-каси, озиқ-овқат корхоналари, уйқурилиш к-тлари, иссиклик электр стялари бор.