UAGADUGU

UAGADUGU — Burkina-Faso poytaxti. Qora va Oq Volta daryolari oraligʻidagi platoda, 300 m balandlikda joylashgan. Iqlimi subekvatorial, quruq iqlim. Yanv. ning oʻrtacha t-rasi 24,4°, iyulniki 31,5°. Oʻrtacha yillik yogʻin 880 mm. Aholisi 709,7 ming kishi (1990-y. lar oxiri). Transport yoʻllari tuguni. Aeroporti xalqaro ahamiyatga ega. Mamlakatning siyosiy, iqtisodiy va madaniy markazi. Paxta tozalash, toʻqimachilik, oziq-ovqat korxonalari, poyabzal f-kasi, shina va sement z-dlari, issiqlik elektr st-yasi bor. Tayyor qismlardan velosiped va mototsikllar yigʻiladi. Gilam toʻqiladi. Hunarmandchilik rivojlangan. Q. x. rayonining savdo markazi. Un-t (1969), i. t. markazi, tropik oʻrmon texnik markazi va b. bor. Uagaduguga 15-a. da asos solingan. 19a. oxirigacha moyey xalqi davlatlaridan birining poytaxti. 1919—32 va 1947 — 60 y. larda Fransiyaga qarashli Yuqori Voltaning maʼmuriy markazi. 1960-y. dan mustaqil Burkina-Faso Respublikasi poytaxti.