ELLYAY, Ellyay-Bootur, Et uos Eldey (Goʻshtdor labli Eldey) — Janubdan Shim. ga, Lena daryosining oʻrta oqimi boʻylariga koʻchib kelgan saxalar (yakutlar)ning afsonaviy bobokalonlaridan biri. Bir qator insonga xos barcha yaxshi xislatlar mujassamlashgan. U birinchi rassomusta, qimiz tayyorlaydi, sopol idishlar yasovchi kulol, uning sharafiga birinchi qimiz bayrami — isiax oʻtkazilgan. Ellyayning ziddi Omrgoyu boʻlib, u sodda xoʻjalik yuritgan va patriarxal qoloqlikning timsolidir. Ellyay haqidagi rivoyatlar saxalar jan. dan kelganliklari haqidagi tasavvurlarni aks ettiradi. Ogʻzaki anʼana saxalarning aksariyat uluslari vujudga kelishini Ellyay bilan bogʻlaydilar.