DUBLETLAR (frans. doublet — ikkilanma, qoʻsh) , spektral dubletlar — energiya sathining ikkiga ajralishi natijasida hosil boʻladigan, birbiriga yaqin joylashgan spektr chiziqlar guruhi. Bitta tashqi elektronli atomlar (yoki ionlar) spektrlarida kuzatiladi. Dubletlar asosan ishkrrli metallarning atom spektrlariga tegishli; ularning atom spektrlari chiziqli, yaʼni har biri atom elektron qobiqlari orasidagi oʻtish energiyasiga mos chiziqlardan iborat boʻladi. Dubletlar orbital momentning elektron spini bilan taʼsirlashuvi natijasida holat energiyasi ikki tashkil etuvchiga ajralishidan hosil boʻladi.