DEMOBILIZATSIYA (de… va mobilizatsiya) — 1) qurolli kuchlarni va mamlakat iqtisodiyotini harbiy holatdan tinchlik holatiga oʻtkazish;
2) urush tugagandan keyin harbiy qismlar, qoʻ-shilmalar va muassasalarning shaxsiy tarkibini qayta tuzish bilan qurolli kuchlar shaxsiy tarkibini urushdan oldingi holatga keltirish;
3) harbiy xizmatchilarni urush tamom boʻlishi b-n, shuningdek, tinchlik davrida majburiy harbiy xizmat muddati tugashi bilan armiyadan boʻshatish;
4) koʻchma maʼnoda — tayyorgarlik, faollik, qushyorlik, ehtiyotkorlikning pasayishi.